Në studion e emisionit “Open” është diskutuar mes panelistëve edhe për koncesionin e sterilizimit, dosje për të cilën ish-ministri i Shëndetësisë, Ilir Beqaj u mor në pyetje për më shumë se 8 orë në zyrat e Prokurorisë së Posaçme Antikorrupsion.
Gazetarja Klodiana Lala tha s gazetarët kishin dyshime që Beqaj mund të dilte sot me pranga nga dyert e SPAK, kjo pasi një deklaratë e ambasadës amerikane i bënte jehonë arrestimit të ministrave dhe zyrtarëve të lartë.
“Ka pasur një avokat që është ka kërkuar informacion për dosjen. Nuk e di nëse do të përfaqësojë zotin Beqaj. Do ta shohim në ditët në vijim nëse është avokati i zotit Beqaj, por ai ka pasur hyrje-dalje dhe interes për fatin e tij në SPAK. Ne menduam se mund edhe të arrestohej pasi ndërkohë që Beqaj ndodhej në SPAK kishte një deklaratë të Ambasadës Amerikane në Tiranë që vlerësonte hetimet e SPAK dhe kërkonte nga BKH që të hetonte dhe ndalonte ministra të përfshirë në Korrupsion.
Pyetja e parë që i është bërë zotit Beqaj është përse shteti kishte interes ta kalonte sterilizimin te privati. Pse? A kishte infeksion nga mjetet e përdorua në spitale. Koncesioni i sterilizimit është hetuar në 2016 nga prokuroria e Tiranës dhe është pushuar. Në vitin e parë të kontratës ishte përcaktuar se kompanisë së Ilir Rrapaj i duheshin paguar 12.2 milionë euro dhe i janë paguar 17.2 milionë euro. Ministri është pyetur pse është fryrë kaq shumë kjo faturë”, tha Lala.